တိုက်ရိုက်သတင်းကြေငြာနေတုန်း ခင်ပွန်းသေဆုံးသူရဲ့ သတင်းကိုတွေ့ပြီး အံ့သြခဲ့ရသူ

shared by ThiThi on 10/04/17  -  shwemom.com  -  News

လူတော်တော်များများဟာ ဉာတိဗျသနလို့ ခေါ်တဲ့ ဆွေမျိုးတွေရဲ့ ပျက်စီးသေဆုံးခြင်း သတင်းကို ကြားမိလိုက်တဲ့ အခိုက်အ
တန့်မှာ ဆွေမျိုးချင်းနီးစပ်မှု အတိုင်းအတာပေါ် မူတည်ပြီး တုန်လှုပ်ခြောက်ခြား ဆောက်တည်ရာမရ ဖြစ်တတ်ပါတယ်။ သေဆုံးတဲ့သူတွေထဲမှာ မိဘတွေ၊ မိသားစုဝင်တွေဖြစ်နေရင် ချက်ချင်းစွံ့အပြီး အရုပ်ကြိုးပျက် လဲကျသွားတဲ့သူတွေ တောင် ရှိပါတယ်။

ဒါပေမယ့် သတင်းတင်ဆက်သူ Supreet Kaur ကတော့ သူမရဲ့ ခင်ပွန်း ကားမတော်တဆမှုနဲ့ သေဆုံးသွားတယ်ဆိုတဲ့ သတင်းကို ကိုယ်တိုင်တင်ဆက်ခဲ့ရပါတယ်။ ကနဦးတုန်းကတော့ အခင်းဖြစ်ပွားရာကို ရောက်ရှိနေတဲ့ သတင်းပေးပို့သူရဲ့ အချက်အလတ်တွေကို ကိုးကား ဖတ်ကြားတာပါဘဲ။ ဒါပေမယ့် သူမအတွက် သတင်းဆိုးဆိုတာ ကောင်းကောင်း ရိပ်မိခဲ့ပါ တယ်။

Supreet ဟာ အိန္ဒိယနိုင်ငံ ရုပ်သံလိုင်းတစ်ခုဖြစ်တဲ့ IBC24 သတင်းဌာနမှာ သတင်းတင်ဆက်သူအဖြစ် တာဝန် ထမ်းဆောင်နေပြီး၊ အဆိုပါ သတင်းဌာနဟာ အရေးပေါ်သတင်းတွေကို ကြားဖြတ်အထူးသတင်းအဖြစ် ထုတ်လွှင့်လေ့ ရှိပါတယ်။

ဒီတာဝန်ကိုလည်း သူမက များသောအားဖြင့် ယူထားရပြီး၊ သတင်းထောက်က ဖုန်းကနေ ပေးပို့တဲ့သတင်းကို အများပြည်သူ သိရှိအောင် တိုက်ရိုက်ဖတ်ကြားရပါတယ်။ ကားမတော်တဆမှုမှာ သေဆုံးသူဟာ ငါးဦးအထိ ရှိပြီး၊ မတော်
ဆမဖြစ်တဲ့ ကားမော်ဒယ်နဲ့ သေဆုံးသူတွေထဲမှာ ပါဝင်တဲ့ သူမရဲ့ ခင်ပွန်း Harsad Kawade ရဲ့ ရုပ်ပျက်ဆင်းပျက် ဓာတ်ပုံကိုပါ တွေ့ခဲ့ရပါတယ်။


သူမဟာ ချက်ချင်းရိပ်မိသိရှိခဲ့ပြီး၊ အခင်းဖြစ်နေရာဟာ သူမရဲ့ ခင်ပွန်းနဲ့ အပေါင်းအပါတွေ ခရီးထွက်သွားတဲ့ လမ်းကြောင်း မှာ တည်ရှိတယ်ဆိုတာကိုလည်း ချက်ချင်းရိပ်မိခဲ့ပါတယ်။ ဒါပေမယ့် Supreet ဟာ အခြားသတင်းတွေကိုပါ ဆက်တိုက် ဆယ်မိနစ်လောက်အထိ တာဝန်ကျေပွန်စွာ၊ တည်ငြိမ်စွာ တင်ဆက်ပေးခဲ့ပါတယ်။ နောက်ဆုံးအချိန်ကျမှသာ သူမဟာ မျက်ရည်တွေ တွင်တွင်ကျခဲ့ရတာပါ။

ဒီကိစ္စနဲ့ပတ်သက်ပြီး အကြီးတန်းသတင်းအယ်ဒီတာက ” ဒီသတင်းကို သူ့ကို ကျွန်တော်တို့ မပြောခဲ့ဘူး … ပြောဖို့ သတ္တိလည်း မရှိဘူး … သူမလည်း အကုန်ရိပ်မိသွားပါတယ် … စတူရီယိုအခန်းထဲက ထွက်လာတော့ ငိုယိုပြီး မိသားစုဝင် တွေဆီ ဖုန်းဆက်ခဲ့တယ် သူရဲ့ သတ္တိနဲ့ တာဝန်ကျေပွန်မှုဟာ ကျွန်တော်တို့အတွက် စံပြပါဘဲ .. သူ့ကို လေးစားပါတယ် “လို့ ပြောခဲ့ပါတယ်။


လုပ်ဖော်ကိုင်ဘက် အမျိုးသမီးတစ်ဦးကလည်း ” သိပ်ကို သတ္တိရှိတဲ့ အမျိုးသမီးပါ … သတင်းက ကျွန်မတို့အားလုံးအတွက် တုန်လှုပ်စရာ ဆိုပေမယ့် သူမအတွက်တော့ အစားထိုးမရတဲ့ ကမ္ဘာပျက်မှုပါဘဲ … သူမရဲ့ သတ္တိကို ဂုဏ်ယူပါတယ် “လို့ ပြောခဲ့ပါတယ်။ သတင်းတင်ဆက်ပြီးနောက်မှာ Supreet ဟာ အခင်းဖြစ်ရာနေရာကို ချက်ချင်း လိုက်သွားခဲ့တယ်လို့ သိရပါတယ်။

နတ်စည်တော် (Shwemom)