ရင်သားကင်ဆာဖြစ်စေမှန်းမသိပဲ နေ့စဉ်စားသုံးမိနေတဲ့ အစားအသောက်များ

အဆီအပြည့်ပါတဲ့ နို့ထွက်ပစ္စည်းတွေကို နေ့စဉ်စားသုံးတဲ့ အမျိုးသမီးတစ်ယောက်က ပုံမှန်အစားအစာ စားသုံးတဲ့ အမျိုးသမီးတွေထက် ရင်သားကင်ဆာရောဂါဖြစ်နိုင်ချေ ပိုများတယ်လို့ Kaiser Permanente သုတေသီတွေရဲ့ လေ့လာမှုတစ်ခုအရ သိရပါတယ်။ အီစထရိုဂျင်ဟော်မုန်းက ရင်သားဆဲလ်ဖွံ့ဖြိုးမှုကို လှုံ့ဆော်ပေးသလို တပြိုင်တည်းမှာပဲ ရင်သား ကင်ဆာဆဲလ် ဖွံ့ဖြိုးမှုကိုလည်း လှုံ့ဆော်ပေးပါတယ်တဲ့။ အီစထရိုဂျင် ဟော်မုန်းဆိုတာအဆီဆဲလ်တွေကနေ ထွက်ရှိပြီး အဆီဆဲလ်တွေထဲမှာပဲ သိုလှောင်ထားပါတယ်။ 

ရင်သားကင်ဆာဖြစ်စေနိုင်တဲ့ နို့ထွက်ပစ္စည်းတွေကတော့ မလိုင်ပါတဲ့နို့၊ နို့စိမ်း၊ပူတင်း၊ ရေခဲမုန့်၊ ချိစ်နဲ့ ဒိန်ချဉ်တို့ပဲ ဖြစ်ပါတယ်။ အမျိုးသမီးတွေကို အစားအသောက် စားသောက်ပုံအလိုက် ၁၂ နှစ်ကြာပြုလုပ်ခဲ့တဲ့ သုတေသနရလဒ်တွေအရ အဆီအပြည့်ပါတဲ့ နို့ထွက်ပစ္စည်းတွေကို ပုံမှန်နီးပါး စားသုံးတဲ့ အမျိုးသမီးတွေက တခါတရံမှ စားသုံးတတ်တဲ့ အမျိုးသမီးတွေထက် ရင်သားကင်ဆာဖြစ်နိုင်ချေ ၄၉%ပိုများသလို အခြားရောဂါအမျိုးမျိုးနဲ့ အချိန်မတိုင်မီသေဆုံးနိုင်ချေ ၆၄% ပိုများတာကို တွေ့ရပါတယ်။

အကယ်၍ သင့်မှာရင်သားကင်ဆာ ကနဦးလက္ခဏာတွေတွေ့ခဲ့ရရင် အန္တရာယ်ကို အတတ်နိုင်ဆုံးလျှော့ချနိုင်ဖို့နဲ့ အသက်ရှင်ဖို့ အခွင့်အရေးတိုးတက်လာစေဖို့ ဆောင်ရန်ရှောင်ရန်လေးတွေ ရှိပါတယ်။ အသင့်စားအစားအစာနဲ့ သကြားတို့ကို ရှောင်ပြီး ကျန်းမာရေးနဲ့ ညီညွတ်တဲ့အစားအစာတွေကို စားပါ။ အရက်လုံးဝရှောင်ပါ။ ကျန်းမာရေးနဲ့ညီညွတ်တဲ့ ကိုယ်အလေးချိန်ကို ထိန်းထားပါ။ နေ့တိုင်း လေ့ကျင့်ခန်းလုပ်ပါ။ ဆေးလိပ်မသောက်ပါနဲ့။
ပေးထားတဲ့ ဆေးဝါးတွေကို အချိန်မှန်မှန် မပျက်မကွက်သောက်ပါ။

Source : Trend Myanmar